عشاء صحي و مفيد و طبعاً ســـــريــع (مـصّور)

السلام عليكم .... اليوم عندي لكم وصفة سريعة و ما يبيلها مجهود وما تاخذ وقت ... لما تكونين يوعانة و ودج تاكلين اكل مفيد و بسعرات حرارية أقل مالج إلا هالوجبة ...

المقادير:
- قطعة همبرجر أو فيليه دجـاج
- شريحة جبن سلايز قليل الدسم
- خضروات متنوعة ( زهرة - جزر - بصل أبيض - كوسا - بروكلي ) و أي نوع تحبينه بس ابتعدي عن البطاط لان يمتن
- ملعقة صغيرة أوريغانو (زعتر البيتزا).
- ملعقة صغيرة نعناع مجفف.
- ملح

الطريقة:

1- في البداية تقطعين الخضروات.




2- إذا كان عندج جدر البخار صفي الخضروات فيه ... و اذا جدرج خربان نفس جدرنا ... صفي الخضروات في مشخال مسطح شوي .. و رشي عليهم الملح و الأوريغانو و النعناع .



3- حطي بالجدر شويه ماي و خليه يغلي و حطي فوقه المشخال اللي فيه الخضروات و غطيه.



4- اشوي الهمبرغر أو الفيليه على شواية أو مقلى من غير زيت مع التقليب إلى أن ينضج و بعد ما ينضج تحطين شريحة جبن السلايز على الهمبرغر و تخلينها تذوب



5- بعدها تحطين الخضار في صحن مع قطعة الهمبرغر ... وانا لاني مو وايد متينه سويت لي بطاط مهروس مع صلصة كريمة



و عليـــكم بألف عـــافية

-----------------------------------